~~~~~~~~~~~~~~~~~~~~~~~~~~~~~~~~~~~~~~
Lart nëpër shkallët e zjarrit
Ketrat lëvizin
Shpirtrat levizin gjithashtu.
Shpirtrat si ketrat
Ngjiten, zbresin atje
ku njerëzit mendohen.
Shpirtrat vijnë mysafirë,
me njeriun takohen .
Nuk telefonojnë,
vijnë papandehur.
Nëpër drurët e gjelbër të pishave
Kukuvajka e fshehur këndon,
Shpirtrat lëvizin
Zërat afrohen, largohen
përpara meje nje ndalon.
Shkallët e zjarrit kërcasin,.
i njoh fytyrën!
O Zot , fytyra ime!
Fytyra që kisha dikur,
kur isha njehere e re.
Unë paskam ikur,
Ti shpirti im vjen,
më kujton ikjen?
Përballë qëndron?
Kukuvajka vajton,
Këndon, vajton në drurët e gjelbër
Unë numuroj pa zë
Nje, dy,
Sa vjet duhet të jem rrotull?
Kukuvajka ngadalëson ku-ku –të
më tremb.
Nga ëndrra zgjohem.
/ Shtator /~~~~~~~~~~~~~~~~~~~~~~~~~~~~~~~~~~~~~~~
Keine Kommentare:
Kommentar veröffentlichen